Asturianu

muevete en bici

La CRIXIXONA ye la cita española de la masa crítico mundial que va facese en Xixón  del 17 al 19 de mayu del 2013. La masa crítico cellebraráse’l sábadu 18 dende les 17 hores.

PROGRAMA

El programa de la CRIXIXONA yá se va concretando anque nos próximos díes diremos ampliando, completando y actualizando a midida que vaigamos perfilando más coses. Lo básico y fundamental del programa ye:

Vienres 17

19:00 h Bienvenida a tolos ciclistes llegaos dende fuera de Xixón. Apertura del Pabellón p’agospiamientu.

22:00 h BICI-TAPEU: Una oportunidá única pa esfrutar d’una nueche ciclista, bebiendo y comiendo per Xixón en bona compañía, al empar que reivindicamos l’usu ciudadanu de la bici.

Sábadu 18

11:00 h Salida de RUTES GUIAES: van entamase delles rutes pa conocer Xixón y la so contorna, guiaes por playos espertos.

12:00 h TALLER DE DECORACIÓN DE BICIS: reputaos ciclo-estilistes van engalanar les nueses bicis pa la CRIXIXONA de la tarde. Vamos Parar pa comer y va siguir dempués de la comida comuñal.

14:00 h COMIDA COMUÑAL NA CAI: Nun solo de pedalaes viven homes y muyeres… Tiempu pa la fartura, pa la música y la confraternización. Una comida de traxe (yo traxi esto, él traxo lo otro, …)

17:00 h MASA CRÍTICO LA CRIXIXONA 2013: Puntu de concentración y entamu de la marcha na escampada del Acuariu (Playa de Poniente).

20:00 h ESPICHA-FOLIXA NEL PUEBLU D’ASTURIES: Dempués de la masa crítico… una fiesta asturiana con música, concursos, más música, comida y bebida. Vamos Dir desvelando’l cartelu músical adulces, como fadría Alfred Hitchcock, pa crear suspense.

Domingu 19

12:00 h VISITA GUÍADA AL MUSÉU DEL PUEBLU D’ASTURIES. una oportunidá perguapa pa visitar esti muséu dedicáu a la sociedá tradicional asturiana que nos sos 35.000 m2 al campu ufiértanos el Muséu de la Gaita, la Fototeca d’Asturies na casa de los Valdés y el Pabellón d’Asturies de la Expo92. Amás d’una impresionante representación de les construcciones populares asturianes. Más información na Web del Muséu del Pueblu d’Asturies

12:30 h BICI-VERMÚ peles cais de Xixón

DESPIDIDA Y PIESLLE… hasta l’añu que vien.

AGOSPIAMIENTU

Pa tola xente que vengáis de fora de Xixón, y mientres dure la CRIXIXONA (o seya’l fin de selmana), disponemos d’agospiamientu gratuitu nel pabellón deportivu del IES Calderón de la Barca, un institutu allugáu nel barriu d’El Cotu, abondo céntricu y esperamos qu’abondo cómodu pa toos. Esta ye la dirección, fácil d’allugar con GoogleMaps:

           IES CALDERÓN DE LA BARCA C/

           Calderón de la Barca, 8

           Barriu d’El Cotu (33204 – Xixón)

Vamos disponer de vestuarios con duches d’agua caliente y un suelu de parqué pa dormir (si ye que vos queda tiempu). Nun escaezáis el sacu, la colchoneta,… y lo que quiera que preciséis pa cayer en brazos de Morfeo.

Si vais agospiavos con nós, apuntaivos equí o podéis escribinos a crixixona2013@gmail.com, indicando nel Asuntu “Pidimientu d’Agospiamientu nel Calderón” y cuntándonos cuántes persones sois, cuándo llegáis y cuántos díes tais, dexándonos siquier un nome de contactu.

O si preferis, en Xixón tenéis l’Albergue Xuvenil  “Palaciu de San Andrés de Cornellana”. Quien prefiráis agospiavos n’otros sitios, en Xixón hai una ufierta bien completa d’hoteles, hostales, campins y pensiones.

Cualquier dulda o solicitú de info adicional escribíinos tamién a crixixona2013@gmail.com y vamos contestavos lo antes posible.

ESPERÁMOSVOS COLOS BRAZOS ABIERTOS Y LES BICICLETES ENGRASAES!

SALÚ Y PEDALES!

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s